რატომ სჭირდება თქვენს შვილს ეს პროგრამა?
ალბათ, გქონიათ შემთხვევა, როდესაც თქვენი შვილი თქვენთვის ძალიან გაუგებრად იქცევა - მაგალითად ყვირის, ისვრის საგნებს, იკეტება ოთახში, თითქოს უმიზეზოდ ტირის და სხვა. ეს ყველაფერი იმიტომ ხდება, რომ ბავშვებს, ისევე როგორც ჩვენ, მრავალი სხვადასხვა ემოცია ეუფლებათ, მაგრამ მათ ჯერ არ იციან საკუთარი ემოციების ამოცნობა და მათი სწორი გზით გამოხატვა - ისე, რომ არც საკუთარი თავი დააზიანონ და არც გარშემომყოფები. ხშირად, ასეთი, ჩვენთვის გაუგებარი ემოციური აფეთქების შემდეგ, ისინი ნანობენ კიდეც საკუთარ საქციელს და თავს დამნაშავედ გრძნობენ, მაგრამ ჯერ არც ასეთი სახის ემოციების გამოხატვა აქვთ ნასწავლი, ამიტომ შეიძლება ეს განცდები გულში დაიტოვონ და ძალიან დაიმძიმონ საკუთარი თავი.
შეიძლება ბავშვებს არა მარტო საკუთარ თავში, არამედ სხვა ადამიანებშიც კი გაუჭირდეთ სხვადასხვა ემოციების ამოცნობა, ამიტომ შეიძლება მათგან გავიგოთ ისეთი ფრაზები როგორიცაა “მე არავის ვუყვარვარ”, “ჩემთან ყოფნა არავის უხარია” და სხვა.
კურსი გათვლილია 6-17 წლის მოზარდებისათვის.
ამ კურსის ფარგლებში ჩვენი პედაგოგები თქვენს შვილებთან ერთად გაეცნობიან სხვადასხვა სახის ემოციებს, გააანალიზებენ როგორ და რატომ ჩნდებიან სხვადასხვა ემოციები, გააცნობიერებენ ამ ემოციების გამოხატვის რა გზები არსებობს და როგორ ჯობია მათი გამოხატვა ისე, რომ ჰარმონიაში ვიყოთ სამყაროსა და გარშემომყოფებთან. მოზარდები გააანალიზებენ, რომ ჩვენი ემოციები დამოკიდებულია ჩვენზე და საჭიროა მათი მართვა, შემდეგ კი სწორად გამოხატვა. რათა საბოლოოდ, ჩვენ ვიყოთ ემოციების მმართველები, და არა ისინი ჩვენი.
კურსი ისეა აგებული, რომ მას აქვს ძალიან საინტერესო ფორმატი ბავშვებისათვის. თითოეული შეხვედრა შედგება მხიარული ფსიქოლოგიური სავარჯიშოებისაგან, სახალისო აქტივობებისაგან, ჯგუფური და ინდივიდუალური სამუშაოებისაგან… პროცესი ისეა შედგენილი, რომ ის ძალიან საინტერესო და თან სახალისოა ჩვენი მოზარდებისთვის.
მშობლებთან ინდივიდუალური კომუნიკაცია კურსის წამყვან ფსიქოლოგებს ექნებათ თვეში ერთხელ.
კურსის შედეგად მოზარდები აღმოაჩენენ კონფლიქტების მოგვარების ახალ გზებს და ტექნიკებს, თუ როგორ შეიძლება სხვადასხვა სიტუაციაში საკუთარი ემოციების ისე გამოხატვა, რომ არც სხვა დააზიანონ და არც გარშემომყოფები. ეს დაეხმარება მათ ურთიერთობების დალაგებაში როგორც საკუთარი ოჯახის წევრებთან, ისე თანატოლებთან და საკუთარ თავთან.
კურსის ბოლოს გაიცემა სერტიფიკატი.
ვინ ატარებს კურსს?
პროგრამა ეფუძნება ჰუმანური პედაგოგიკის საფუძვლებს და შემუშავებულია შალვა და პაატა ამონაშვილებთან ერთად.
კურსს წაიყვანენ ფსიქოლოგები:
რას ამბობენ ჩვენი მშობლები და მოზარდები ჩვენზე
ამ პროგრამაში მონაწილეობის შემდეგ ჩემმა შვილმა არა მხოლოდ შეიძინა ცოდნა, არამედ განუვითარდა უნარების ფართო სპექტრი, როგორიც არის: გუნდურობა, მოსმენა და დალოდება.
ეს უნარები მას დაეხმარა, რომ ჯგუფურ გარემოში ყოფილიყო თანამგრძნობი და ერთგული წევრი.
მან ასევე ისწავლა ცნებები „ჯანსაღი და არაჯანსაღი ურთიერთობები“, რის შემდგომაც იგი ხშირად იყენებდა ამ ტერმინებს, რაც სოციალურ გარემოზე პოზიტიურად აისახებოდა.
აკადემია მისთვის იყო უფრო მეტი, ვიდრე უბრალოდ ფიზიკური ადგილი - ეს იყო ადგილი, სადაც არა მხოლოდ სიამოვნებდა დროის გატარება, არამედ ისიც იცოდა, რომ იქ მას აფასებდნენ, როგორც ჯგუფის ღირებულ წევრს.
ჩემმა შვილმა მეტად გააანალიზა თავის ემოციები, გაერკვა სკოლაში არსებულ პრობლემს როგორ უნდა გაუმკლავდეს.
ბევრი ახალი თამაში ისწავლა, რაც დაეხმარა კიდევ მეტ სოციუმში ურთიერთობებისთვის, სთავაზობს სხვებსაც და უზიარებს აკადემიაში ნასწავლს.
მშობლებს ვეტყოდი, რომ ატარონ ბავშვები აკადემიაში. იქ არსებული კურსებით სწავლობენ როგორც ბავშვები ასევე მშობლები. ასევე ვურჩევდი პედაგოგების უმეტესობას მეტად გაეცნონ და დაამკვიდრონ მათ პრაქტიკაში ჰუმანური პედაგოგიკა. რაც ბევრად დიდი შედეგის მომტანია.
ჩვენთვის, ჩვენი შვილის აღზრდისთვის, ამონაშვილის ჰუმანური პედაგოგიკა წარმოადგენს ჩვენს ღირებულებებსა და პრიორიტეტებს, რომელიც არა მხოლოდ აღმზრდელობითი მეთოდია, არამედ ბავშვის ჩამოყალიბების სახელმძღვანელო.
ამონაშვილის ჰუმანურ პედაგოგიკას ვურჩევდით ყველას, ვინც აფასებს და იზიარებს მსგავს ღირებულებებს, როგორიც არის თანაგრძნობა, პატივისცემა და პიროვნული განვითარება.
ფასი და დეტალები
-
შეხვედრები ჩატარდება კვირაში ერთხელ - შაბათ ან კვირა დღეს.
-
თითოეული შეხვედრის ხანგრძლივობაა: 6-9 წელზე - 1 საათი, 10 წლის ზემოთ - 1.5 საათი.
-
კურსის ხანგრძლივობაა 4 თვე (16 შეხვედრა). კურსი დაიწყება 30 სექტემბერს და გაგრძელდება 28 იანვრის ჩათვლით (30 დეკემბერი -7 იანვარი დასვენების დღეები).
-
კურსის საფასურია - 680 ლარი.
-
დედმამიშვილებზე და ჩვენი აკადემიის წევრებზე მოქმედებს 10% ფასდაკლება.
-
ჩვენი მომხმარებლებისთვის მოქმედებს 6 თვიანი უპროცენტო განვადება თიბისი ბანკში.
რეგისტრაცია პროგრამაზე
"მე და ჩემი ემოციები"
ხშირად დასმული შეკითხვები:
ტერიტორიულად სად მდებარეობთ? ჩვენი მისამართია - საბურთალო, ჯურხა ნადირაძის 1 - უნივერსიტეტის მაღლივი კორპუსისა და ქავთარაძის ქუჩის პარალელურად. დეტალური ადგილმდებარეობა შეგიძლიათ იხილოთ რუკაზე:
როგორ გავხდე აკადემიის წევრი? მოზარდი, თუ მშობელი, რომელიც ერთხელ მაინც ჩაერთვება ჩვენს რომელიმე პროგრამასა, თუ კურსში, ავტომატურად ხდება ჩვენი აკადემიის წევრი და სარგბელობს მომდევნო კურსებზე 10%-იანი ფასდაკლებით.
არის თუ არა საცდელი შეხვედრები? დიახ, გვაქვს საცდელი შეხვედრებიც. საცდელ შეხვედრაზე ჩასაწერად, გთხოვთ, გაიაროთ რეგისტრაცია.
გაქვთ თუ არა კურსები ონლაინ ფორმატში? დიახ, გვაქვს. დაინტერესების შემთხვევაში, გთხოვთ გაიაროთ რეგისტრაცია.
არის თუ არა ჯგუფები ასაკების მიხედვით დაყოფილი? დიახ. ასაკობრივი ჯგუფები დაყოფილია შემდეგნაირად - 6-9 წელი, 10-12 წელი, 13 წლის ზემოთ.
ბატონი შალვა და პაატა ამონაშვილები არ ატარებენ შეხვედრებს? შეხვედრებს მოზარდებთან ატარებენ ჩვენი ფსიქოლოგები, რომლებიც გადამზადებულები არიან ჰუმანურ პედაგოგიკაში ბატონი შალვა და პაატას მიერ. პროგრამებიც შედგენილია ბატონ შალვა და პაატა ამონაშვილებთან ერთად. თვითონ ბატონი შალვა და პაატა ამონაშვილები მოზარდებთან შეხვედრებს არ ატარებენ.
გაქვთ თუ არა პირადი კონსულტაციები? პირადი კონსულტაციების მომსახურება ჩვენს აკადემიაში არ გვაქვს.