აქვს ბავშვებთან მუშაობის 10-წლიანი პედაგოგიური გამოცდილება. არის ამონაშვილის აკადემიის ერთ-ერთი წამყვანი ფსიქოლოგი და ჩვენთან ერთად მუშაობს მე-2 წელია.

“ბავშვებთან და მოზარდებთან ურთიერთობა მაბედნიერებს. მინდა მათ ცხოვრების მნიშვნელოვან გზაზე მხარი დავუჭირო, სიყვარული და მათი პიროვნული მნიშვნელობა ვაგრძნობინო”.

აქვს ბავშვებთან მუშაობის 5 წლიანი გამოცდილება. არის ამონაშვილის აკადემიის ფსიქოლოგი.

“კარგად მახსოვს ჩემი ბავშვობა. მახსოვს როგორ მსურდა ვყოფილიყავი დიდი და მომქცეოდნენ ისე, როგორც ზრდასრულს. ვთვლი, რომ ერთადერთი გზა გაუგო ბავშვებს და გაიყოლო ისინი აღზრდის პროცესში, არის მათი გულში ჩახედვით და შენივე ბავშვობის კარის გახსნით. მე მჯერა, რომ პიროვნება არის პიროვნება, მიუხედავად მისი ასაკისა”

​“ჩვენი პიროვნული განვითარება ბავშვობიდან იწყება და მთელი ცხოვრების მანძილზე მიმიდინარეობს. ჩემი სურვილი და მიზანია, რომ ამ განვითარების გზაზე გვერდში დავუდგე ბავშვებს, ვანახო თავიანთი შინაგანი სიძლიერე და დავეხმარო საკუთარი ძალების რეალიზებაში, რათა უფრო თავისუფლები, მიზანსწრაფულები და მოტივირებულები იყვნენ.''

“გაიზარდო და კვლავ ბავშვად დარჩე ეს დიდი გამოწვევაა ზრდასრულებისთვის. მე მჯერა, რომ უნდა მივბაძოთ ბავშვებს სიყვარულში, რადგან ყველაზე გულწრფელად მათ უყვართ; უნდა მივბაძოთ სიკეთეში, რადგან ისინი უანგაროები არიან და უნდა მივბაძოთ სამყაროს აღქმაში; რადგან მათ აქვთ ადამიანის უსაზღვროების რწმენა”.

,,ბავშვებთან ურთიერთობა ძალიან სასიამოვნო, საინტერესო და საპასუხისმგებლოა ჩემთვის. დიდი ბედნიერებაა, როდესაც თუნდაც მცირედი წვლილი შემაქვს მათ განვითარებასა და სულიერ კეთილდღეობაში. ჩემი მთავარი მიზანია, ბავშვებს შევუქმნა უპირობო სიყვარულით აღსავსე ისეთი გარემო, სადაც ისინი თავს მნიშვნელოვნად, ლაღად და თავისუფლად იგრძნობენ.”

“ყველა ბავშვი იმსახურებს მოსმენას, გაგებასა და მხარდაჭერას. თითოეულ მათგანში დევს უსაზღვრო პოტენციალი და ჩემი მიზანია დავეხმარო მათ ამ ძალების აღმოჩენასა და განვითარებაში.”